Kryetari i Prishtinës, Përparim Rama ka njoftuar se është digjitalizuar aplikimi për leje ndërtimi.
Me anë të një postimi në Facebook, Rama bën të ditur se funksionalizimi i kësaj pakoje shërbimesh do të bëhet gjatë janarit, shkruan Arbresh.info.
“Me kënaqësi informoj qytetarët se gjatë janarit do të hyj në funksion pako e shërbimeve digjitale “e-Leja, e-Përcjellja, e-Nënshkrimi””, thuhet në njoftim.
Sipas tij, ky produkt është rezultat i punës së madhe të Kryeqytetit për të përmirësuar shërbimet publike, për të qenë sa më transparent, eliminuar vonesat e keqpërdorimet e mundshme si dhe për të bërë qytetin tonë një vend më të mirë për të jetuar.
“Çfarë Ndodh Tani?
Aplikimi Online: Tani mund të aplikoni për leje ndërtimi nga shtëpia ose zyra juaj dhe nuk do të prisni më në radhë para sporteleve.
Proces Transparent: Gjithë procesi është i qartë dhe mund të ndiqet hap pas hapi nëpërmjet platformës sonë online.
Kohë e Shkurtër: Përpunimi i aplikimeve tani do të jetë shumë më i shpejtë, s’do të prisni kohë të gjatë për përgjigjje, dhe nuk keni nevojë të kontaktoni fizikisht me zyrtarët e Kryeqytetit.”, ka shkruar i pari i Prishtinës.
Rama thotë se kjo do të bëjë që çdo ndërhyrje në hapësirat urbane të jetë e lehtë, e shpejtë dhe mbi të gjitha, në përputhje me standardet dhe kushtet që garantojnë zhvillim të qëndrueshëm urban./Arbresh.info/
NATO: Anëtarësimi i Kosovës në NATO kërkon konsensusin e 32 ...
Von der Leyen arrin në Serbi, pritet nga Vuçiqi
Ancelotti: Nuk ka favorit në El Clasico, është një lojë e ko...
Balluku takim me të moshuarit në Lushnjë: Zgjerim i shërbime...
Kurti vizitoi për ngushëllime familjen Koshi
Gjykimi në rastin “Januzi dhe të tjerët” fillon ...